[A:130a]zhing / tshig ngan gyi me rtse yang ston par byed do/ /'di dag la sangs rgyas kyi bstan pa rnal por yod cing / dus ngan pa ma shar ba'i skabs su lan bya bar 'os pa ma yin yang / ding sang rtog dpyod che bar byas pa rnams kyis skyes bu dam pa 'gog pa kho na la rnam dpyod kyi shes rab che bar rlom zhing skal ba dman pa'i gang zag rnams kyang lam zab mo nyams su len pa las phyir phyogs te 'gro ba dag snang bas/ gang zag mchog la smad pa'i nyes dmigs bstan pa'i sgo nas lan gyi spros pa cung zad brjod par bya'o//de yang skyes bu dam pa rgyal bas lung bstan pa 'di lta bu la tshul gang gi sgo nas smad kyang nyes pa shin tu che ste/ rgyal ba'i yum las/ lung bstan ma thob byang chub sems dpa' gang zhig gis/ /lung bstan thob la sems khro rtsod pa brtsom byed na/ /tha ba skyon ldan sems kyi skad cig ji snyed pa/ /de snyed bskal par bzhin nas go cha bgo dgos so/ /zhes gsungs pa de go bar byos shig gnyis pa lan la/ gzhi med kyi skur ba btab par bstan pa dang / gdan dang bzhugs tshul ma spros pa dpyad pa'o/ /dang po ni/ rje btsun A nanda bha dra nyid kyis mdzad pa'i bla ma gong ma gsum gyi bka' 'bum gyi dkar chag rin po che'i lde mig las/ sa chen bka' 'bum gyi nang du kyai rdo rje'i gdan gyi dag pa zhes dngos su smos shing kyai rdo rje'i rgyud kyi byung tshul 'chad pa'i rnam par thar pa ngo mtshar rgya mtsho las kyang / bcom ldan 'das kyai rdo rje zhal brgyad phyag bcu drug pa dang / drag po'i chung ma brgyad dang ming mthun pa'i gau rI la