[A:130b]sogs pa'i lha mo brgyad sprul nas dbang phyug rang dang / de bas che ba gsum dang bcas pa bcom ldan 'das nyid kyi gdan du mdzad de/ dregs pa can brgyad ni lha mo brgyad kyi gdan du byas zhes rnam bshad dag ldan du 'byung la/ gdan gyi dag pa las/ drag po'i 'khor che shos ni gtso bos mnan/ drag po rang ni ghasma ris mnan ces cung zad mi 'dra ba'i tshig gi khyad par dang bcas nas lung du drangs shing / rje btsun kun dga' bzang po nyid kyis mdzad pa'i gsung rab gang gi nang na yang 'di tshad ldan ma yin par ston pa'i tshig gcig kyang med la/ 'di rang la 'dis mdzad kyi mdzad byang dngos su smos pa med kyang / bka' 'bum rnams kyi nang du sa chen gyi bka' 'bum nang du sgrigs pas/ rje btsun gyi bka' 'bum du sgrigs pa ni ci rigs pa 'byung ngo / /sa skya pa chen pos mdzad byang dngos su ma smos pa shas che ba yong gin 'dug ces rje btsun kun dga' dbang phyug gsungs shing / de las rjes su dpag nas kyang sa chen bka' 'bum du 'jug pa nyid 'thad dam bsam mo/ /yang rje btsun kun dga' bzang po nyid kyi kyai rdo rje'i mngon par rtogs pa bsdus par yang / zhabs mdun ma gnyis g.yas brkyangs g.yon bskum/ rgyab ma gnyis skyil krung phyed pa'i gar stabs zhes dngos su bshad cing / rje nyid kyi thugs dam bris sku la yang chos rje dpal ldan tshul khrims dang / chos rje shar pa ye shes rgyal mtshan gyi sku'i steng du bcom ldan 'das kyai rdo rje'i sku bkram/ gdan gyi tshul gyis bzhugs pa re re rje nyid kyi zhal bkod mdzod bris yod pa'i phyir/ bkram gdan du byas