[A:131a]pa thams cad ma dag go zhes su zhig gis smras/ de ltar smra ba ma dag ces gsungs so zer ba gang zag su zhig las khyed kyis thos legs par smros shig da ni gnyis pa gdan dang bzhugs tshul la spros pa cung zad dpyad na/ gdan gyi bdud bzhi ni/ rgya gzhung rnams nas mi 'dra ba mang du 'byung yang / rang rang gi bla ma grub pa thob pa rnams kyi gsung bgros yin pa'i phyir/ 'di dag cing 'di ma dag go zhes dgag bsgrub bya bar mi nus la/ 'khrul spong gi mchod brjod las/ gtso bo'i gdan gsum pa 'jug sel te khyab 'jug la gsungs pa yang yod pas rnam grangs mi 'dra ba cung zad yod pa la skyon du bzung bar mi bya'o/ /rje btsun sa skya pa rnams la kyai rdo rje'i bka' babs bzhi byung ba'i mtsho skyes lugs dang / man ngag lugs kyi bzhugs tshul ni/ zhabs g.yas g.yon du gnyis gnyis mdun rgyab tu sgrigs pa'i g.yas gnyis brkyangs ba'i brla la g.yon gnyis bskum pa'i sor mo gtad pa'i skyil krung phyed pa'i gar stabs kyis bzhugs pa yin te/ rje btsun rtse mos mtsho skyes lugs kyi dkyil chog la tshig 'di dngos su gsungs shing / man ngag lugs kyi gzhung rnams las kyang / skabs 'ga' zhig tu g.yas brkyangs zhes pa tsam dang / 'ga' zhig tu skyil krung phyed pa zhes pa tsam las ma gsungs kyang / mtsho skyes kyi sgrub thabs dang / man ngag lugs kyi yan lag bzhi drug cig car du bdud bzhi brtsegs gdan 'ba' zhig gsungs pas bzhugs tshul 'di las ma 'das pa'i phyir ro/ /gal te rje btsun rtse mos zhabs g.yas