[A:131b]brkyangs pa dang / g.yon bskum pa dang / skyil krung phyed pa'i dag pa gsum po so sor gsungs pas/ mdun ma gnyis g.yas brkyang zhing g.yon bskum pa dang / rgyab ma gnyis skyil krung phyed pa'i gar stabs bstan no snyam na/ de ni ma yin te/ skyil krung phyed pa de nyid la g.yas brkyangs g.yon bskum tshangs bas de'i dag pa ston pa yin pa'i phyir te/ mtsho skyes kyi 'grel par/ de dag kyang mnyam par brtsegs pa'i snying khar zhabs g.yas pa gnyis kyis mnan pa'o/ /rol mo'i tshul ni skyil krung phyed pa'o/ /de'i g.yas brkyangs pa ni thugs rjes sems can la khyab pa'o/ /g.yon bskums pa ni shes rab kyis chos gang yang mi 'dzin par btang ba'o/ /zhes gsal bar gsungs pa'o/ /gzhan du na 'khor lo bde mchog la rdo rje dang dril bu 'dzin pa'i phyag gnyis las gzhan pa'i phyag gnyis kyi yum la 'khyud dgos par 'gyur te/ rje btsun gyis rdo rje 'dzin pa dang / dril bu 'dzin pa dang / yum la 'khyud pa'i dag pa gsum so sor gsungs pa'i phyir ro/ /'grel pa lugs kyi gzhung rnams las/ g.yas brkyangs zhes pa tsam dang / skyil krung phyed pa zhes pa tsam las gsal kha mi snang yang / rin chen 'bar bar/ nyi mar zhabs g.yas brkyangs g.yon bskum/ /lhag ma gar gyi tshul gyis bzhengs/ /zhes gsungs pa'i don ni/ mdun ma gnyis g.yas brkyangs g.yon bskum/ rgyab ma gnyis skyil krung phyed pa'i gar stabs yin par mngon te/ rje btsun chen pos mdzad pa'i gdan gyi rnam dag las/ gtso bo'i zhabs phyed krung du bzhugs pas tshangs pa'i snying kha