[A:132a]nas mnan pa dang / zhabs g.yas brkyangs bas dbang phyug chen po'i snying kha nas mnan pa dang / g.yon bskum pas gzhan 'phrul dbang byed bdud sdig can gyi snying kha nas mnan pa dang / yum gyi zhabs g.yon pas brgya byin snying kha nas mnan par gsungs pa yang 'di la dgongs par snang bas/ bdud bzhi bkram gdan gyi tshe yab kyi zhabs brkyangs pa gsum dang / yum gyi zhabs g.yon brkyangs pa gcig gis bdud bzhi so sor mnan nas/ bskums pa gnyis kyis mnan rgyu med pa la bya dgos par snang ngo / /mdor na gsungs tshul so sor gsungs pa tsam ma gtogs sbyar tshul gang la sbyar yang dag pa re sbyar rgyu yod pas 'gal ba med pa 'dra'o zhes man ngag gi gsal byed las gsungs pa 'di kho nas log par rtog pa sel bar nus la/ ku mu ti las/ khro bo'i phyag rgya 'chad pa'i skabs su phyag rgya yang bshad par bya ste/ g.yas kyi zhabs kyi brla sleb cing / g.yon pa'i zhabs kyi rtses mnan pa/ mnan pa'am zhes pa yan khro mo'i phyag rgya yin la/ bzlog nas mnan pa ni khro bo'i phyag rgya gdan du brjod zhes pa'i tshig rkang phyed dang gnyis po 'dis khro bo'i phyag rgya dngos bstan cing / de ltar na/ bzlog nas mnan zhes pa'i don yin pas 'dir yang / g.yon pa'i zhabs kyi brla sleb cing / /g.yas pa'i zhabs kyi rtses mnan pa/ /zhes sbyar dgos pas zhabs g.yas brkyangs ba'i brla la g.yon pa'i sor mo sleb cing / g.yas pa'i zhabs kyi rtses bdud bzhi'i snying khar mnan pa shin du gsal bar gsungs pa dang / yang rje btsun kun