[A:132b]bzang gis/ kyai rdo rje bcu bdun ma'i mngon rtogs su/ lung 'di yab yum gnyis ka'i khro bo'i phyag rgya 'dam kha can du'ang zhes pa'i tshig la brten nas mdzad cing / yab la'ang g.yon gnyis bskums pa'i skyil krung phyed pa mdzad do/ /rje btsun gyi 'khrul spong du yang / gang gi mtshungs med bde chen zhabs padmo/ /tshangs dbang 'jug sel drag po'i gtsug gis mchod/ srid zhi'i dgrar gyur de la phyag 'tshal lo/ /zhes gsungs pa 'dis kyang bzhugs tshul 'di kho na thon cing / mi thub zla ba nyid kyi yan lag drug par yang / bdud bzhi'i snying kha nyams dga'i gnas su sems can don mdzad dgos/ zhes bdud bzhi kha'i snying kha zhabs kyis mnyam par mnan pa 'di legs par grub pa'i phyir ro/ /sgyi chu ba'i dka' 'grel las kyang / gzhal yas khang de'i dbus su pad nyi'i steng du gtso bo bdud bzhi brtsegs pa'i gdan zhes gsal bar gsungs so/ /des na man ngag lugs kyi yan lag bzhi drug dang / mtsho skyes lugs la brtsegs gdan bshad par ma zad/ 'grel pa lugs kyi ku mu ti dang / yan lag drug par yang brtsegs gdan du bshad pa yod par khas len dgos shing / rin chen 'bar ba las/ nyi mar zhabs g.yas brkyangs g.yon bskum/ /lhag ma gar gyi tshul du bzhengs/ /zhes pa'i skabs su yang zhabs mdun ma g.yas brkyangs g.yon bskum gyis bzhugs shing / lhag ma gar stabs kyis bzhengs pa gsal bar gsungs pas/ rin chen 'bar ba dang yan lag drug pa dang / ku mu tir bshad pa yang rnam grangs mi 'dra ba'i khyad par