[A:134a]te/ sgo rum gyi dpe khang na bla dpe rnying pa yod pas kyang rje btsun sku mched gang rung gis mdzad par bsgrub par mi nus/ theg chen chos rjes bka' 'bum phyi ma rnams su bcug pas rje btsun sku mched drung gis mdzad par bsgrub mi nus te/ rtags de dag la khyab pa ye mi 'dug pa'i phyir ro/ /'on kyang gzhung 'di rgyud 'grel mtha' dag gi lung gi lugs dang bcas nas gzhal yas khang gi gnas lugs spros pa dang bcas te sgro 'dogs dpyod pa rnam bshad zla ba'i 'od zer du bshad pa lta bu mi snang yang / sgrub pa po'i blo la bsgom bde zhing / gnad ma 'khrugs pa zhig ni yin nam snyam mo/ /rje btsun rdo rje kun dga' bzang po'i dngos kyi slob ma dag gi gsungs las kyang / rje btsun chen po dang sa paN gyi slob ma zhang bya ru bas byas pa'i gzhas yas khang gi rnam dag kyang yod de zhes gsung gin 'dug pa thos kyi/ yi ge 'di nyid zhang phya ru bas byas pa yin no zhes gsungs pa ni gtan ma thos so/ /zhang bya ru ba khrid kyi sngon 'gro mi byed pa la tshad mar byed la/ skabs 'di la tshad mar byar mi rung ba'i don mthun gyi rgyu mtshan ci yang med pa'i phyir ro zhes bris 'dug pa 'di ni zhang bya ru bas khrid kyi sngon 'gro mi byed pa'i rgyu mtshan gsal po zhig khyed kyis gsungs shig de nas de'i lan ldon par 'gyur ro// //yang gsum pa de kho na nyid gsum man ngag dang / dbang po rab 'bring gsum gyi dkri ba'i gzhung shing rje btsun gyi bkar bsgrub bo zer nas/ sgrub byed ltar snang du ma 'god pa ni shin tu mi rigs te/ da lta rje btsun gyis mdzad par