[A:134b]grags pa'i de kho na nyid gsum gyi man ngag tu grags pa 'di rje btsun gyi dngos slob dpyil bsgom tshul khrims rgyal mtshan gyis rje btsun gyi gsung bgros skyor ba la rje btsun chen po'i zhal nas/ rdo rje dang dril bu de kho na nyid ston pa'i yi ge zhig byed 'dod pa yin pa la ma grub ces gsungs par dngos su bshad 'dug pas rje btsun gyi dngos slob 'di nyid rje btsun gyi gsung rab la rgyus che bar byed dgos so/ /des na brgyud pa 'di pa rnams ni sambu Ti'i TIka chen gyi skabs su de gzhir byas nas/ rje btsun dang sa paN gnyis ka'i dngos slob shar pa shes rab 'byung gnas kyi mdzad pa'i rdo rje dril bu'i de kho na nyid zhib tu bshad pa de gtso che bar mdzad do/ /yang dbang po rab 'bring gsum gyi dkri ba'i gzhung shing bkar bsgrub bo zer nas/ da lta 'ga' zhig gi tshad mar byed pa'i yi ge 'di rje btsun gyis mdzad pa'i bsgrub byed ltar snang du ma zhig 'god pa la ni bla ma chos rje rdo rje 'chang chen pos dpyad pa cung zad tsam mdzad pa'i yi ge'i 'di la zhib tu gzigs la lan yod na drangs por gsungs shig de yang 'di ltar gsungs te/ gang zag gi bye brag gsum du dkri ba'i gzhung shing zhes pa 'di glegs bam phal mo cher ma tshang la/ kha cig tu/ gang zag rigs kyi dbye bas lam gyi khrid/ /brjod pas dran pa gso phyir tho tsam bri/ /zhes pa tshig yod pa'i dpe chung mang ba gcig yod pa dang / glegs bam kha cig tu shog gcig ma chung ngu bris pa ste/ mi 'dra ba gnyis snang ba las/ dang po dpe chung mang ba 'di ni rjes 'brang kha cig gis byas pa yin gyi/ rje btsun yab