[A:135a]sras kyis mdzad pa ma yin te nor ba'i tshogs mang du snang ba'i phyir ro/ /de'ang de nyid las/ dang por mi mthun dgos te/ zhes yig brgya maNDal 'khor ba'i nyes dmigs bsam pa gsum sngon du song nas/ chos bcu gnyis nyams su len par bshad la/ chos bcu gnyis kyi sngon 'gro gsum ni gong gi yig brgya la sogs pa gsum po de yin pa'i phyir/ tshig bsgrig lugs kyang ma shes pas nang 'gal lo/ /yang des sems sgyu mar bslab ste zhes bshad pa'ang ches nor ste/ 'khor 'das dbyer med du rmi lam snang ba sems su bsgrub pa'i rtsa ba'i dpe dang / mig yor yan lag gi dper bshad kyi/ sems sgyu mar bsgrub pa'i dper ma bshad la/ yang der gzugs brnyan la/ ! ste ces pa'i me long yang sgyu ma de rten 'brel du bsgrub pa'i dpe yin gyi/ sems sgyu mar bsgrub pa'i dpe ma yin pas ha cang nor ces thal lo/ /yang der btson pa tha ma la/ ! rung ces pa'ang shin tu mi 'thad de/ lus dkyil bsgom pa la de'i dbang thob dgos shing / phyi dkyil du dbang rdzogs par ma thob na lus dkyil gyi dbang tsam yang bskur du mi rung bar bshad pas/ slob ma'i dbang thob pa tsam gyi lus dkyil bsgom pa shin tu mi rung bas nor ba'o/ /yang der brtson pa 'bring gis lam gyi thun bzhi la dbang bzhi bsgom pa dang / brtson pa rab kyi bzlas bsgom la rten nas las kyi tshogs rab 'byams bsgrub par bshad pa'ang nor te/ lam dus len pa'i gang zag de bas las tshogs bsgrub pa'i gang zag de khyad par 'phags par 'gyur la/ 'dod