[A:135b]na ni mchog gi dngos grub sgrub pa'i gang zag de bas thun mong gi dngos grub sgrub pa'i gang zag de khyad par 'phags par 'gyur ro/ /yang shes rab kyi phyogs su lhung ba'i brtson pa rab kyis man ngag gi gnad bcu gcig gis 'gro ba la bshad la/ ! gong mdor bstan kyi skabs su rab rlung / ! gsum mo zhes bshad pa dang nang 'gal lo/ /yang der gang zag gis gsungs pa'o zhes dang / zung 'jug gi ! gsungs zhes zung 'jug la rab 'bring gsum du dbye mod kyang / zung 'jug gi rnal 'byor pa'i lam dkri lugs gcig yod par bshad pa la/ 'og rgyas bshad du de'i bshad pa gtan mi snang ngo / zhes tho yig chung ngu 'dir dpyad pa mdzad par snang ba 'dis don la legs par soms shig yang khyed kyis nged kyi phyogs la rang dgar bris pa yin no zhes zer ba'i yig phreng phyed gsum tsam byas pa'i tshig rnams ni nged rang gi lugs kyi glegs bam rnams kyi nang du bris pa med cing / de las cung zad tsam gyi mang ba'i shog gcig ma gcig yod pa la ni theg pa thun mong ba la bslab pa dang / 'khor 'das dbyer med la bslab pa dang / gang zag rigs so so'i 'jug pa ces gsum du phye nas/ theg pa thun mong ba la nyan thos dang thun mong ba/ theg pa chen po dang thun mong ba gnyis las/ dang po la 'khor ba'i nyes dmigs/ dal 'byor rnyed dka'/ 'chi ba mi rtag pa gsum/ gnyis pa la byams pa/ snying rje/ byang chub kyi sems bsgom pa gsum/ 'khor 'das dbyer med la chos thams cad sems/ sems sgyu mar bsgrub/ de spros