[A:138a]pa nas/ 'di ni brtson 'grus mchog gi 'jug pa zhes bya ba yin no/ /zhes pa'i bar de zung 'jug gi rnal 'byor pa rab kyi khrid tshul lo/ /de ltar na gzhung ji lta ba bzhin du dkri ba'i gzhung shing nyid kyi nang du zung 'jug gi rnal 'byor pa'i khrid tshul gsum ka bstan cing / nyan thos dang thun mong ba dang / theg pa chen po thun mong ba'i dkri tshul drug ni yig chung 'di nyid du tho yig tsam bstan pa yin la/ gang zag mchog gi 'jug pa ma gtogs pa dkri tshul gyi lam gzhan rnams ni lam gyi phyogs re tsam gyi dkri lugs yin gyi/ sa bcu gnyis pa'i bar gyi lam yongs rdzogs ni gnad bcu gcig gi dkri tshul la ma ltos par gzhan gyis dkri bar mi nus so/ /zhes pa ni dgongs pa mthar thug pa'o/ /glegs bam phal che bar/ 'di la yig chung logs su mi 'byung ba yang gzhung shing dang po'i mjug tu/ gang zag gsum gyi khrid tshul gsum ka bstan pa 'di la yang dgongs pa yin nam snyam mo/ /gang ltar yang dbang po rab 'bring tha gsum gyi khrid 'di ni gang zag gi bsam pa shes pa'i rdo rje slob dpon zhig gi slob ma so so la khrid tshul gang gi sgo nas kyang lam gyi phyogs re la dkri ba dang / yongs rdzogs la khrid byas pas chog go zhes ston pa'o/ /yang sa paN gyis mdzad pa'i khrid kyi dkar chag gi yi ge ni/ rje a nanda'i gsung rab gang gi nang na yang the tshom gyi dpyad gzhi mdzad pa cung zad tsam yang mi snang zhing / zin bris 'ga' zhig gi nang du gsung bgros yin zer nas dpyad gzhi byas pa yang yod srid kyang / de dag la blo gtad thub pa ci