[A:138b]yang med cing / sgo rum dpe khang na bzhugs pa'i sa paN gyi bka' 'bum rgya shog la bris pa'i gser rkyang ma rnying pa gcig yod pa dang / 'phags pa rin po che'i thugs dam bla brang bzhi thog na bzhugs pa'i gser ma la yang 'di nyid bzhugs la/ gdung brgyud rtse gdong pa rnams kyi bka' 'bum gser dngul ma rnying pa la yang 'di nyid bzhugs shing / rje btsun a nandas mdzad pa'i gsan yig thos pa rgya mtsho las kyang / khrid kyi dkar chag gi brgyud pa ni/ sa skya paNDi ta/ shab pa lung phu ba/ kras lung pa
nam mkha' bsod nams
mkhas btsun/ gzhon nu grub/ dga' ldan pa kun bsod/ brag phug pa/ chos rje bla ma/ dpal ldan tshul khrims/ grub chen buddha shrI/ des rje btsun kun dga' bzang po rnams la brgyud pa dngos su yang bshad do/ des na bdag ni 'grel pa mu tig gi phreng bar/ rgyal ba'i gsung la ma gsungs dang / /ma gsungs pa la de gsungs smra/ /'gro mchog mi bslu sangs rgyas la/ /gnyis ka'ang gzhogs 'chas byed dang mtshungs/ /zhes bshad pa'i don yid la byed do/ /'dir smras pa/ gsung rab rgya mtsho'i 'jug ngogs la zhugs pa'i/ /sngon gyi mkhas rnams bzhed pa'i tshul chen po/ /rdzogs ldan sprin bzhin 'dod dgu'i 'byung gnas la/ /ngan rtog rlung dmar g.yo ba ga la rigs/ /rtsod dus khengs ldan chang gis myos pa yi/ /glang chen 'gram par chags pa'i rngul dag gis/ /nag por byas pa'i ngan rtog ri mo la'ang / /legs bshad sbrang rtsi'i ro mchog ga la yod/ /rnam dag tshul khrims brtul zhugs mchog dag gis/