[A:139a] /mtshan dpe'i ri mo ci yang rab gsal zhing / /tshangs dbyangs sgrog pa 'chi med rnga sgra'i gsung / /zab yang thugs kyi shes bya kun mkhyen 'di/ /bla ma'i bla ma las kyang ches mtho ba'i/ /yon tan kun gyi bang mdzod 'dzin byed cing / /rgyal ba'i bstan pa yun ring 'dzin byed na/ /'di la klan ka'i tshogs mang ci zhig bya/ /yongs rdzogs bstan pa'i khur chen 'dzin byed cing / /nyes mang 'dam bu'i tshal brgya 'joms byed pa/ /blo ldan spos kyi glang chen bgrod pa'i shul/ /grong pa'i ma skyes gzhon nus ga la bsnyogs/ /gdong lnga ldan pa'i smra ba'i seng ge yi/ /lta ngan ri dwags mtha' dag skrag mdzad la/ /lung rigs gad rgyang sa gsum 'dar byed pa/ /'di la wa skyes gzhon nus brgal thabs ci/ /de ltar bla ma dam pa'i yon tan la/ /gzhi med skur pa 'debs pa'i log rtog tshogs/ /mun par gyur rnams bdag gis bsal byas pas/ /'chi ba med pa'i lam kun snang bar shog /ces pa'i rab tu byed pa cung zad tsam 'di 'ga' zhig gis rje btsun gong ma bkar bsgrub kyi ming btags nas rgyal ba gnyis pa kun dga' bzang po'i gsung rab la gzhi med kyi skur pa 'debs pa du ma byas 'dug pa rnams la/ dug la rma bya'i phyogs bzhin cung zad tsam gsal bar byas pa 'di'ang / dge slong bsod nams lhun grub legs pa'i 'byung gnas rgyal mtshan dpal bzang pos shel dkar gtsug rgyan zhes bya ba'i ri bo'i rtse mor bris te/ phyogs su dri bzhon la springs pa'o/ /gzhan 'phags pa bkar bsgrub pa la sogs pa mang du yod par grags