[A:139b]
kyang rnam dpyod kyi nus pa dang ldan pa'i dge ba'i bshes gnyen so so rnams kyi skabs su babs pa'i lan mdzad pa rnams las shes par 'gyur bas 'dir 'di tsam las ma bris so/ /zhes pa de rnams kyi zhar las 'ong ba'i legs bshad kyi cha 'ga' zhig bshad pa bstan zin nas// ! //da ni 'phros don cung zad brjod par bya ste/ de yang gong du bshad pa'i dogs dpyod de rnams gtso bor gyur pa la nye bar mkho ba'i dris lan/ gong du bshad ma thag pa'i rtsod spong gi yi ge ma rig mun sel zhes bya ba de nyid mdzad pa'i gong rol tsam du mkhan chen thams cad mkhyen pa bsod nams lhun grub nyid kyis rab 'byams pa blo gros rab gsal la dri lan du gnang ba'i gsung rab ngo mtshar can las 'di ltar 'byung ste/ ! /na mo gu ru/ 'jam dbyangs bla ma brgyud pa dang bcas pa rnams la phyag 'tshal lo/ /gang gi mkhyen pa nyi ma'i 'od zer gyis/ /shes bya'i gnas kun gsal bar rab ston la/ /phyi nang rten 'brel ma lus thugs chud pa'i/ /bla ma 'jam pa'i dbyangs la phyag 'tshal lo/ /skyes bu dam pa rnams kyi mdzad pa dang / /mthun par chos kyi gnad rnams dris pa'i lan/ /rang gi blo yis ji ltar rtogs pa tsam/ /nyung zhing go sla'i ngag gis cung zad 'bul/ /bshes gnyen dam pa khyed kyi dris pa'i lan dang po ni/ bden pa gnyis ngo bo gcig la ldog pa tha dad yin pa thub pa dgongs gsal dang / ljon shing sogs las gsungs pa ni/ gtan nas yod pa ma yin te/ thub pa dgongs gsal las/ ngo bo gcig yin na don dam pa la ngo bo grub par thal ba