[A:140a]dang / gcig pa bkag pa yin na don dam dngos med du thal ba'i skyon yod do zhes gsungs pa ni/ ngo bo grub par 'dod pa dang / don dam dngos med du 'dod na skyon de yod mod kyi/ 'bum las/ mtshan nyid med par mtshan nyid gcig pa'o/ /zhes gsungs pa dang / sha ri'i bu sems med pa la yod pa'am/ med pa dmigs su yod dam zhes bya ba dang / sdud pa las/ yod dang med pa 'di gnyis med pa'i chos yin te/ zhes gsungs pa dang / rnam 'gres las/ dngos med ngo bo yod min pas/ /ngo bo med pa dpyad bya nyid/ /ma yin sgra ni de dag nyid/ /rnam rtsod brjod par byed pa grub/ /zhes gsungs pa 'di gzhan sel gyi sgo nas legs par 'chad shes na skyon med mod/ ma shes na sngar gyi skyon de dag spang bar mi nus so/ /des na rang gi lugs la/ don dam pa dang / tha snyad pa'i rnam gzhag gnyis las/ dang po ni/ gcig dang tha dad kyi spros pa dang bral ba yin te/ mdo dgongs pa nges 'grel las/ kun rdzob khams dang don dam de bzhin nyid/ /gcig dang tha dad bral ba'i mtshan nyid de/ /gcig dang tha dad nyid du gang rtog pa/ /de dag tshul min lta la zhugs pa yin/ /zhes gsungs pa ltar ro/ /gnyis pa tha snyad pa'i rnam gzhag ni/ gzhan sel gyi ngor/ ngo bo dbyer med ldog pa tha dad ces bya pa'am/ de nyid dang gzhan du brjod du med pa zhes bya ba gsungs pa de kho na khas blangs so/ /zhes gsungs shing / ljon shing las/ gcig pa'i phyogs tha dad gtan med la'ang bzhi/ kun rdzob bzhin don dam sgrib