[A:140b]pa'i dmigs par thal ba dang / kun rdzob ltar don dam mthong thos las btsal du yod par thal ba dang / kun rdzob mthong ba na don dam mthong bar thal ba dang / don dam ltar kun rdzob la dbye ba med par thal ba'o/ /'og ma gnyis 'dir mi 'jug ste/ de yang rgyud las/ 'khor ba spangs nas gzhan du ni/ /mya ngan 'das pa rtogs mi 'gyur/ /zhes gsungs te/ yul gcig nyid la blo'i 'jug pa tha dad do/ /de'i dpe dbu ma 'jug pa las/ rab rib mthu yis skra shad la sogs pa'i/ /ngo bo log pa gang zhig rnam rtogs pa/ /de nyid bdag nyid gang gi mig dag pas/ /mthong ba de nyid de bzhin 'dir shes gyis/ /zhes so/ /zhes gsungs pa 'di tsam zhig yod la/ de'i don ni/ yul gcig gi thog tu snang ba'i cha nas kun rdzob dang / de nyid rang bzhin med par shes pa'i cha nas don dam zhes tha snyad 'dogs kyi/ kun rdzob snang ba'i cha de las rang bzhin med pa logs su dbyer med pas/ de tsam la ngo bo dbyer med ces bya zhing / de tsam la gcig pa'i tha snyad btags pa ni 'gal ba yang med de/ gcig gi chos nyid gang yin pa/ /de ni kun gyi chos nyid yin/ /zhes dang / dngos gcig dngos po kun gyi ngo bo nyid/ /ces sogs dang / rgyud las/ gcig ni lhan cig med pa'o/ /zhes dang / gcig pu gnyis su med pa de/ /mtha' med rnam pas yang dag gnas/ /zhes pa'i tshig sbyor bshad pa lta bu'o/ /cha dge sogs bden gnyis ngo bo gcig tu bzhed pa yin gsungs nas/ de la mkhas mchog smra seng gis skyon brjod mdzad pa la/ dge ldan pa'i