[A:144b]dang / brtan pa thob pa dang / brtan pa cher thob pa dang gsum du 'dus par gsungs shing / de rnams rim pa bzhin du drod ma skyes pa dang / drod chung 'bring thob pa dang / drod chen po thob pa rnams dang rim pa bzhin du sbyar ba lta bu zhig yod kyang / rdo rje slob dpon gyi dbang thob nas lam thams cad rdzogs par nyams su blang du btub ste/ zhes sogs brjod nas/ rdo rje slob dpon gyi mtshan nyid gur le'u brgyad pa nas gsungs pa thams cad legs par bshad cing / mtshan nyid de rnams yongs su rdzogs pa rdo rje slob dpon sa thob pa rnams la ldan pa shas che shing / bla ma lnga bcu pa nas gsungs pa'i mtshan nyid rnams kyang / ding sang gi rdo rje slob dpon las dang po pa rnams la yongs rdzogs su yod pa ni shin tu dka' zhing / rtsa ltung 'khrul spong las rgyud rgya gzhung nas gsungs pa'i rdo rje slob dpon gyi mtshan nyid rnams las dang po pa la dgongs gsung ba/ 'khrul spong nyid las/ dbang bskur byed pa la rdo rje slob dpon sprul pa'i dkyil 'khor ston nus pa la sogs pa dgos zer ba la/ rgyud sde rnams las de lta bu'i gang zag la dgongs nas dbang bskur gyi mngon par rtogs pa sa'i cho ga la sogs pa ma bshad par/ las dang po pa'i slob dpon gyis bya dgos pa'i cho ga'i rim pa rgyas pa rnams gsungs pas na/ sprul pa'i dkyil 'khor du dbang bskur ba sogs kyi cho ga ma gsungs/ zhes pa tsam ma gtogs/ rdo rje slob dpon gyi mtshan nyid rnams las dang po pa kho na la sbyar ba ni mi snang ngo / /gang zag gsum gyi ngos 'dzin ting nge 'dzin bsgom