[A:15b]zhing / 'chad tshul de la snang ba gsum gyi khrid ma bstan yang rung mod/ 'on kyang nges 'byung gi bsam pa bskul ba sogs dgos byed khyad par can du ma gzigs nas snang ba gsum yang khrid kyi kha tshang ba'i phyir ston par mdzad pa yin gyi/ gzhung gi babs la go rim de 'dra zhig nges par dgos par bzhed pa ma yin pa 'dra lags/ gal te yin na 'khor 'das dbyer med kyi rgyud gsum rgyas bshad kyi skabs su/ smin byed la 'khor 'das dbyer med bshad nas/ grol lam la 'khor 'das dbyer med 'chad pa'i thog mar snang ba gsum la 'khor 'das dbyer med rtsi tshul 'byung rigs pa las de ltar ma bshad par dbang 'khor 'das dbyer med kyi thog mar/ snang ba gsum la 'khor 'das dbyer med rtsi tshul bshad pa lam gyi go rim dang / de la 'khor 'das dbyer med rtsi ba'i go rim ma mthun pa'i nyes pa de shin tu spangs dka' ba ma yin nam/ mdor na gzhung shing gi babs la dang por snang ba gsum bstan nas dbang bskur te/ grol byed kyi lam rnams rim gyis ston pa dang / gdul bya la ltos nas ci rigs par ston du rung ba'i khyad par so sor shes na log rtog kho nas dus 'da' mi dgos shing / thub pa'i bstan pa gces par 'dzin pa'i gang zag dam pa rnams la ngan smras 'ba' zhig byed pa'i sdig pa'i khur chen pos mi gnon par mchis lags/ gnyis pa gnad bsdus nas nyams su len tshul las brtsams pa'i dris lan ni/ gzhung ji lta ba bzhin dkri ba'i gzhung shing las dkri tshul logs par mi bzhed pas/ dkri tshul phyi ma zhes pa'i tha snyad mi 'dogs