[A:16a]mod/ nyams len gyi gnad thun mong du ma grags pa 'ga' zhig mi nub pa'i phyir gab pa'i tshul gyis bstan pa yin la/ 'di 'dra'i rigs can rnams snyan brgyud la yid ches pa'i gdul bya nyung shas la lkog tu gsungs pa ma gtogs yi ger bris nas phyogs kun tu babs col du sgrog pa'i lugs mi 'dug pas/ bdag lta bus gsal kha gtod par mi 'os mod/ dris lan gyi sgo mi stong par bya ba'i phyir brda tshig gi tshul gyi cung zad bsnyad na/ gnyis las gsum byung zhes bya ba/ /gnas skabs gzhan du gzhan gsungs yang / /thun mong min par gsungs pa ni/ /nye ring brgyud tshul bgrod pa las/ /zab don snying po yon tan 'byung / /klus bsgyur phyogs ni bu gar bcas/ /dang po'i grangs yin mes bsgyur phyogs/ /yon tan gyis lhag bar pa ste/ /phyi ma bu khar shes par bya/ /'di dag lta ba bskyed rdzogs kyi/ /don gyi gnad rnams bsdus pa ste/ /bla ma mchog la rag las phyir/ /kun gyi spyod yul ma yin pas/ /phyi nang mu stegs kun la gsang / /shin tu bsdus pa dbang bzhi'i lam/ /stan thog gcig ma logs shig tu/ /rtsa ba'i tshig gi bstan pa ste/ /des na khrid tshul chu gter ro/ /zhes bya ba 'di ni skal ba dang ldan pa dag gi 'jug ngogs bla na med pa yin no// //'dir smras pa/ sa gsum snang byed grags pa'i 'od dkar gyi/ /skya seng bu ltar gzhan sde zil gnon pa'i/ /'khon rigs 'jam dbyangs bla ma'i mkhyen brtse kun/ /legs bsdus kun dga'i 'dren pa bzang po yin/ /gang de'i 'phrin las gser gyi