[A:16b]'khor lo yi/ /thub bstan gling bzhi'i khyon 'di ma bzung na/ /mes po'i blo dang 'phrog byed dpung pas kyang / /dus der 'dod lha'i dpung tshogs ji ltar bzlog /rtsod bral nyin byed snang ba la 'gong zhing / /phyogs gzhan snar ma'i 'dod bya ma thob pa'i/ /rang snang 'od brgyas dregs pa'i me khyer 'ga'/ /thub bstan snang byed khur gyi ngal ba 'dzin/ /thub chen dges pa'i bgyi ba chud son pa'i/ /'dod ldan chos par rlom pa'i bcol chung 'ga'i/ /chen por 'chos pa'i stong sob ri bo'i lcid/ /yun du theg pa'i sa 'dzin rdo rje'i spo/ /yid bzhin nor dang 'ching bu'i rin thang gi /brda la rmongs pa'i byis pas rgan po la/ /co 'dri byed pa'i yid gnyis 'phyang mo yug /brjod 'dod skabs gzhan ston pa gcam bu'i zol/ /de phyir rgyal ba'i sras po li tsa bI'i/ /rnam thar bzung ste bdud rtsi'i bsten rigs kyi/ /legs bshad smras kyang gzhi mdo'i cha rgyan las/ /drang po'i yid kyis len pa su zhig mchis/ /'on kyang sngon rab mkhas pa'i rjes zhugs shing / /dad 'dun nor 'chang blo ldan dri bo yi/ /lhag bsam zla tshes mthong nas bdag blo yi/ /gnyis skyes kun dga'i gtam gleng thal mo sbyor/ /gang 'di'i dge bas brtse chen sa skya pa'i/ /yongs rdzogs chos kyi rgyal srid ma nyams pa/ /phyogs 'dzin nyi tshe'i lam du mi 'dren par/ /shing rta mchog gi rjes su bsnyeg par shog /ces gsung ngag bshad thabs kyi man ngag gsang ba sgo 'byed las 'phros pa'i dris lan nyung ngu 'di ni/ chos tshul 'di la yang dag pa'i lam du shes nas dad pa thob pa shAkya'i dge slong dkon