[A:17a]mchog lhun grub kyi shrI e wa~M chos ldan gyi chos grwar myur ba nyid du bris te phul ba'o/ /aMrdhupe shapuShTiM kuwantu/ zhes pa de rnams kyis yin lugs 'thad ldan gyi legs bshad bkod pa bstan zin to/ /'dir smras pa/ snang gsum sngon du nges par dbang bskur ba/ /'dod dang de las gzhan pa'i grub mtha' 'di/ /rnam dpyod blo yi dpyad na lugs gnyis ka /'thad ldan nyid du grub pa kho bos rtogs/ /bar skabs kyi tshigs su bcad pa'o// ! //da ni spyi don gnyis pa sems bskyed kyi brgyud pa dang / slob ma rjes bzung la grangs nges yod med sogs don tshan brgyad kyi bzhed lugs mi 'dra ba'i rnam dbye bshad pa la bzhi ste/ ngor lugs kyi bstan 'dzin mkhas mchog gzhan gyi gsung rab las 'byung tshul bshad pa/ rje btsun mkhas pa'i gtsug rgyan dkon mchog lhun grub kyi gsung rab las 'byung tshul bshad pa/ snyan brgyud mkhas pa'i dbang po'i gsung rab las 'byung tshul bshad pa/ de dag gi lan 'debs rdzong lugs kyi mkhas pa dag gi legs bshad las 'byung tshul bshad pa'o/ /dang po ni/ bdag chen rdo rje 'chang chen po blo gros rgyal mtshan gyi dngos slob rdo ring kun spangs pa chen pos bskul nas/ ngor phyogs kyi bstan 'dzin mkhas pa'i dbang po paN chen shAkya mchog ldan gyis mdzad pa'i gsung rab brang mo che pa'i brgal lan rnam thar sgo brgyad pa zhes bya ba las 'di ltar 'byung ste// ! //na mo gu ru we/ bsnyen bsgrub yan lag rnam bzhi yi pha rol du/ /bde bar byon nas rigs brgya'i rnam rol gyi/