[A:18a]nang nas/ phrag dog pa gzhan dag na re/ 'di skad du/ sems bskyed brgyud pa med pa dang / /rjes bzung grangs nges med pa dang / /sta gon 'brel pa med pa dang / /slob dpon grangs nges med pa dang / /dbang bskur yongs dag med pa dang / /lus dkyil 'byung khungs med pa dang / /rgyas gdab rigs mtshon med pa dang / /bza' ba'i dam tshig med pa rnams/ /chos ltar bcos nas chos min byed/ /smin par 'dod kyang 'dis mi smin/ /grol bar 'dod kyang grol mi nus/ /nor ba'i chos rnams dgag par bya/ /zhes rang gi 'grel pa dang bcas nas rgol bar byed do/ /'di dag rim bzhin rtag bca' ba/ /'bel ba'i gtam la yid rang mod/ /phrag dog mig ser gyis long bu/ /dngul gyi thur mas dbye bar bya/ /rgol ba dang po ni/ spyir dbu ma lugs kyi sems bskyed 'di lam 'bras kyi brgyud pa la med/ khyad par du rje btsun chen pos mdzad pa'i sems bskyed kyi yi ge /ngor chen pas sgo rum nas brnyed zer ba de'i steng nas sems bskyed byed pa ni/ brgyud pa chad par ni tshig de rang nyid kyis shes shing / yi ge de'i steng nas sus kyang byas pa med do zhes lam 'bras pa phyi ma rnams kyi brgyud pa grangs 'dren par byed do/ /lan la/ spyir bshad pa dang / dngos kyi lan no/ /dang po ni/ so thar dang / sngags kyi mkhan brgyud dang sdom brgyud ji ltar khas len pa de dang 'dra ba zhig sems bskyed kyi sdom pa la nges pa nyid du khas len dgos pa ma yin te/ bslab btus dang spyod 'jug gi dgongs pas/ sems bskyed kyi