[A:23b]du dkyil 'khor yongs rdzogs gnas/ de gnas pa de srid du slob ma sta gon gyi snod du rung ba stong phrag tsam byung yang smin du rung bas khyab pa'i phyir/ khyed kyi zhe 'dod ni dbang tshar rting ma rnams kyi slob ma sta gon gzhi ma grub pa'i phyir zhes par song pas/ ma grub pa nyid sgrub byed du bkod pa'i phyir/ ma grub pa'i gtan tshigs so/ /de ltar dgag bsgrub kyi rnam gzhag mi shes bzhin du gtan tshigs bkod pas/ 'gal ma nges ma grub pa'i skyon gsum ka tshang byung ngo / /gnyis pa ni rtsa ba'i gtan tshigs de'i rtags chos kyi 'brel ni/ lha sta gon gcig las med na slob ma sta gon yang gcig la mi rung zhes par song ba dang / slob ma sta gon dang po'i tshar gcig pu de lha sta gon dang 'brel yang / tshar rting ma rnams lha sta gon dang 'brel ba med de/ skabs 'dir lha sta gon gcig las med/ gcig pu de slob ma sta gon dang po la 'brel nas rdzogs zin pa'i phyir zhes pa dang / lha sta gon zhig bskyar nas byed pa yod na/ sta gon 'brel pa srid kyang bskyar nas byed pa med ces pa dang / snga ma gnas pa'i phyir bskyar mi dgos na/ ha cang thal ba rnams 'phangs so/ /de dag la rim pa bzhin gyi lan ni/ 'o na tshar dang po la slob ma nyi shu rtsa lnga po re re la sta gon re re nyi shu rtsa lnga yod pa'i phyir/ lha sta gon yang nyi shu rtsa lnga yod dgos par 'gyur ro/ /de mi dgos na 'brel zla dang 'brel yul grangs mnyam dgos par 'gal/ sta gon snga ma gnas pa de la rting ma bskyar dgos sam mi dgos/ dgos na sta gon 'brel pa yod par 'gyur ste/ slob ma sta gon rting ma de lha sta