[A:24a]gon rting ma de la 'brel ba'i phyir/ bskyar mi dgos na sgrub mchod phyi ma rnams kyang mi dgos par 'gyur te/ snga ma gnas pa'i phyir zhes pa 'di/ su'i 'dod pa la su zhig gis sun 'byin du 'phangs te/ tshig gi brjod pa la skyon chags pa'o/ /skabs 'di'i dngos lan ni/ dbang bskur tshar rting ma rnams byed pa'i tshe lha sta gon gnas pa'i phyir/ bskyar mi dgos mod/ dgos na bskyar ba'i thabs ni med pa ma yin te/ sgrub mchod dang po'i dus su sta gon gyi lha nam mkhar bteg pa de ji srid kyi bar nam mkhar bzhag nas skabs su babs pa re re'i tshe mar me gnyis chad kyi tshul du dkyil 'khor la bcug chog pa'i phyir/ gzhan du na rang bzhin gyi gnas nas 'dir spyan drangs pa'i tshe/ gnas de na lha med par 'gyur ro/ /gnyis pa dngos lan dpyis phyin pa la gnyis te/ rgol ba'i bsam pa dpyis phyin par bslangs nas/ nyes pa de rang la med pa dang / rgol ba po nyid nyes pa dang bcas pa'o/ /dang po ni/ phyir rgol ba ltar na rjes 'dzin gyi dus rjes su bzung ba'i slob ma nyi shu rtsa lnga po dag gis yo byad phul zhing gsol ba gdab/ bla mas de dag gi don du bzhengs pa'i rdul tshon gyi dkyil 'khor de/ dbang tshar rting mar khas len pa rnams kyi slob ma smin byed du mi rung ste/ de dag dang dkyil 'khor 'di la 'brel pa med pa'i phyir snyam du sems pa yin la/ de tshe bsgrub bya de ni kho bo cag la grub zin pas gtan tshigs de chos can la grub kyang shes 'dod med pas ma grub pa'i gtan tshigs so/ /'o na ji ltar zhe na/ nyes pa de sel byed lhun gyis