[A:24b]grub pa ni/ snang ba gsum gyi khrid zin pa'i slob ma la/ rjes 'dzin gyi grangs nges med par lhun gyis grub cing / grangs nges byas na nyes pa shin tu lci ba de'i tshe/ grangs nges med par rjes su bzung ba'i slob ma brgya phrag gi grangs las brgal ba de dag gi yo byad phul zhing gsol ba gdab/ bla mas kyang de dag gi don du legs par bzhengs pa'i rdul tshon gyi dkyil 'khor dang ni/ slob ma'i tshogs de dag ches shin tu 'brel ba'i phyir/ sta gon bzhi po yang go rim ji lta ba bzhin du 'brel chags pa na/ slob ma'i tshogs ji tsam pa de thams cad kyi smin byed dkyil 'khor du rung ba yin no/ /nyes pa de gzhan la yod pa la gnyis las/ dang po 'gal ba 'dus pa ni/ khyed kyi dbang tshar dang po byas zin pa'i rdul tshon la sta gon bskyar ba dang / bsgrub mchod bskyar na sta gon 'brel pa grub par khas blangs pas dbang tshar gnyis pa sogs rung bar thal ba yin no/ /gnyis pa nyes pa chen po gzhan gyis khyed la gnod pa ni/ rdul tshon la dbang tshar gcig las mi btub na/ ras bris la yang mi btub par mtshungs so/ /mi mtshungs te/ ras bris smin byed ma yin pa la de ltar rung ba dang gnas gzhan du spyan 'dren btub pas/ de ltar rung ba yin no zhe na/ smin byed ma yin pa'i rdul tshon la yang de ltar rung ba dang / de ring gi rdul tshon mi dmigs par byas rjes su/ sang nyin gyi rdul tshon la de ltar rung ba nyid du 'gyur zhing / rung ba yang yin no/ /mdor bsdu na/ rdul tshon dang ras bris gang yin kyang rung / slob ma smin byed du mi rung ni slob ma dang dkyil 'khor de la