[A:31b]ches/ gtso bo lnga la rdo rje sems dpa'/ pho brang gi 'khor rnams la rang rang gi gtso bo/ skye mched kyi lha rnams la rang rang gi kha dog dang mthun pa'i rigs bdag khro bo bcu la srung 'khor gyi skabs nas 'byung ba bzhin/ rigs kyi bdag pos dbur brgyan par bsam mo/ /zhes gsungs pa yin no/ /'o na bshad pa gnyis pa ma mthun pas 'phags pas gsungs pa de mi 'thad do zhe na/ mi mthun par snang ba ni brgyud pa'i man ngag med par/ yi ge la thug 'phrad du byas pa'i smra ba ste/ 'dir rdo rje sems dpa' ni rigs lnga po rang rang gi rgyu rdo rje 'dzin pa yin pas/ rang rigs kyis rgyas gdab pa yang yin la/ rdo rje sems dpas rgyas gdab pa yang yin pas don cig yin no/ /zhes 'byung ngo / /'di'i lan ni/ don tshan bdun gyi sgo nas mgo smos pa tsam gyis go bar bya ste/ 'di ltar/ kha sbyor rtsa 'grel du rgyas gdab kyi dngos bstan med kyang / man ngag lugs la rgyas gdab tu sbyor dgos pa/ de'i rgyab rten du man ngag snye ma dang / phyag rgya bzhi pa'i lung sbyar ba/ rgol bas phyag rgya bzhi pa'i lung ma mthong bzhin du pho brang drug gi khungs su bshad pas pho tshod kyi rang bzor bstan pa/ lha thams cad rdo rje sems dpas dbu brgyan pa dang / sras don ma las bshad pa'i khyad par dbu rgyan rang bcas dang dbang dngos su blangs pa'i khyad par du bstan pa/ rgol bas/ 'phags pa'i lung phyogs snga la gnod byed du drangs pa na sras don ma'i rang lugs bkag par bstan/ de dang de mi 'gal ba'i skyon spong byas pa na phyogs snga ma la gnod byed du 'phangs pa