[A:32b]dang / dus khyad par can gyi bza' ba'i dam tshig dang / dus rgyun du bsten pa'i dam tshig gi khyad par ma phyed pas rgol bar byed do/ /lan la gnyis te/ rgol ba'i tshig gi dngos bstan la nang 'gal mang bas yid brtan mi rung bar bstan/ dgos pa khyad par can dang tshogs kyi 'khor lo bskor ba'i nus pa yod med kyi sgo nas dngos lan gdab pa'o/ /dang po ni/ 'dir rgol ba'i tshig la/ chos rjes gsungs pa'i dpa' bo'i ston mo de/ tshogs kyi 'khor lo go chod por/ rje btsun chen pos bzhed pa dang mi bzhed par gnyis gcig car du byung / sa paN gyi bzhed pas 'khrul spong gi lugs de bkag pa'am/ yang na 'khrul spong gi rtsa ltung bcu gsum pa'i ngo bo nyid rnam par gzhag pa des/ chos rjes dpa' bo'i ston mo bkag zer ba gnyis ka cig car du smras byung / phyogs snga ma dpa' bo'i ston mo la tshad ma byed na rje btsun chen po dang 'gal zer ba dang / rje btsun chen pos kyang dpa' bo'i ston mo tshogs 'khor du bzhed zer ba gnyis ka smras byung / rje btsun chen pos dpa' bo'i ston mo de tshogs 'khor du mi bzhed na/ dpa' bo'i ston mo de bza' ba'i dam tshig ma yin par thal/ dus khyad par can gyi dang / dus rgyun du ba gang yang ma yin pa'i phyir/ zhes brjod pa mtha' dag rgol ba rang la 'khor byung pas/ lung rigs kyi gnad mi shes pa ltag chod mang po smra ba la 'grus par ma byed cig gnyis pa ni/ phyogs snga mas dbang dus dang rab gnas sbyin sreg gi tshe dpa' ba'i ston mo mi mdzad pa'i rgyus su la yod nas khyed la bshad pa yin/ phyogs