[A:33a]snga ma'i rdo rje 'dzin pas kha zas kyi rnal 'byor dang bdud rtsi myang ba 'od dpag med kyi yan lag sogs yod par khas mi len pa ci/ dus rgyun du ba'i dam tshig gi dus khyad par can la bza' ba'i dam tshig med pa'i dgag bya mi khegs na/ dus khyad par can de dus rgyun du ba'i cha shas su mi gtogs pa yin nam/ spyir yang sdom brtson rdo rje 'dzin pa sa ma thob pa dang / ma mtha'ang sa'i dngos rgyu la nye bar sbyor ba'i rgyu tshogs ma tshang ba de 'dra de dag lta ci smos/ sbyangs rtogs sbar gsum gyi nus pa ma thob na khyim pa rdo rje 'dzin pa dag gis kyang tshogs kyi 'khor lo yongs su rdzogs pa la longs spyod pa na/ zag pa med pa'i bde ba dang dga' bas rnal 'byor pa'i lus sems tshim par byas pa yin nam/ zag pa dang bcas pa'i dga' bdes de ltar byas pa yin zhes rnam par brtags pa na/ chags pa'i rnam par rtog pa dang bcas pa'i dga' ba dang bde ba ni tha mal gyi lam mo/ /gzung 'dzin du zhen pa'i rnam par rtog pa dang bral ba'i dga' ba dang bde ba ni rdo rje 'dzin pa'i lam mo/ /don 'di la sbyangs pa zhes pa ni tha mal gyi sha chang la sogs par zhen pa lta ci smos/ rnal 'byor pa rang nyid lhar gsal ba'i ye shes kyi ngo na tha mal du snang ba tsam yang mi dmigs pa'o/ /de lta na yang ji srid sangs ma rgyas pa de srid du rnal 'byor pa rang gi rnam shes la yang / tha mal pa dang mthun par snang ba ni bzlog mi nus pas na gzhi mi spong ba zhes dang / sgyu ma lta bur snang ba zhes bya ba de yin no/ /rtogs pa zhes bya ba ni tshogs kyi yo byad lta zhog bdag dang snang ba