[A:33b]thams cad chos dbyings bde ba chen po nyid du ro gcig pa'o/ /de'i rgyu mtshan gyis de dus kyi rnam par rol pa thams cad chos kyi dbyings dang mnyam par spro nus pa ni snang ba zhes bya ba de yin no/ /'dir sdom brtson rdo rje 'dzin pa bsnyen par rdzogs pa bstan pa'i bdag por gyur pa ni/ sa chen po la gnas pa yin kyang / shin tu spros med kyi spyod pa spyad pa nyid kyis tshogs kyi 'khor lo'i rnam rol sogs spros bcas kyi spyod pa ma mdzad pa'i nyes pas cung zad kyang ma gos par phyag rgya chen po mchog gi dngos grub la thag thogs med pa nyid du sbyor nus pa yin te/ 'phags mchog klu sgrub dang / slob dpon chen po zhi ba lha bzhin no// //smras pa/ rnam dpyod ldan pa'i 'bel gtam gyi/ mkhas 'ga' mgu bar byed pa dang / /mi shes pa dag ma bslab pa'i/ /'gyod pas rang la 'khu bar byed/ /'dir byung rgol ba'i lan btab pa/ /'di las gzhan zhig phyogs snga ma'i/ /rjes 'jug khengs pa ldan 'ga' la/ /yod na rigs par mi smra ci/ /med na rgol ba 'di bden zhes/ /gsong por smros la thal mo sbyor/ /tshig ngan gya gyu'i phreng ba yis/ /bstan 'dzin skyes bu sun mi dbyung / /'di sbyar 'di ni ris med kyi/ /bstan pa'i bdag po khyab bdag mgon/ /nyid kyi zhabs rdul rnyog bral ba/ /gang gi spyi bor blang de la/ /kun bzang chos kyi nyi ma yis/ /gsol ba btab nas 'di grub pa/ /de yi dge bas dpyod ldan kun/ /'bel ba'i gtam gyis yi rang shog /ces pa de rnams kyis ngor lugs kyi bstan 'dzin mkhas mchog gzhan gyi gsung rab las byung tshul bshad zin