[A:35a]zer ba de'i steng nas sems bskyed byed pa ni/ brgyud pa chad pa ni tshig de rang nyid kyis shes shing / yi ge de'i steng nas sus kyang byas pa med do zhes lam 'bras pa phyi ma rnams kyis brgyud pa grangs 'dren par byed do zhes smra'o/ /lan la gsum/ dngos bstan gyi rgol tshul la skyon chags pa/ zhe 'dod kyi lan dpe dang bcas te bshad pa/ rgol pa po rang nyid nyes pa can du bstan pa'o/ /dang po ni/ sems bskyed kyi yi ge de nyid sngar med pa phyis gsar du brnyed pa dang / yi ge de'i steng nas sngon byon pa'i chen po sus kyang sems bskyed kyi cho ga byas pa med do zhes pa de 'dra ba'i tshig dang don gyi cha zur tsam yang kho bo cag gi rje thams cad mkhyen pa'i gsung rab kyi tshogs gang na yang mi bzhugs shing / khung thub kyi gsung bgros dag na yang de 'dra ba med pas/ rgol ba'i tshig de rnams ni rang gi zhe 'dod kyi dbang gis nan gyis smras pa'i ltag chod kho na yin pas/ chos kyi rjes su 'brangs pa'i dpyod ldan su zhig phyogs 'dzin gyi gtam de la yid ches par 'gyur te mi 'gyur ro/ /gnyis pa ni/ sems bskyed kyi yi ge de gsar du rnyed pa dang de la lung gi rgyun med pa yin du chug kyang / des sems bskyed kyi sdom pa'i rgyun med par dbang gi 'byor pa sus kyang bsgrub par nus pa ma yin te/ spyir rgyud sde nas bshad pa'i dbang gi sngon du 'gro ba'i sems bskyed cig mi 'dod na ni shin tu skal ba dman la/ 'dod na sangs rgyas nas rje rtse mo yan chad la yi ge de gtan med kyang / de'i brjod bya dang mthun pa'i sems bskyed kyi sdom pa'i