[A:35b]rgyud yod pa dang / rje btsun nas kho bo cag gi rje thams cad mkhyen pa'i bar la'ang bde kyai gnyis kyi dbang gi sngon du yi ge de dang mthun pa'i sems bskyed kyi sdom pa 'bog pa'i phyag len ma nor ba yod pas/ phyag len de dang mthun pa'i yi ge gang zag su zhig gis byas kyang de'i steng nas cho ga byar rung ba yin te/ dper na rje rtse mo'i dbang chu'i lung ma thob kyang man ngag lugs kyi dbang phyin ci ma log pa thob pa'i rdo rje slob dpon zhig gi dbang chog de'i steng nas dbang bskur byas pas chog pa dang / karma sha tam lta bu'i steng nas sdom pa thob la ma nyams pa'i mkhan po zhig gi las chog go chod pa gang yang rung ba zhig gis steng nas sdom pa phog pas chog pa bzhin te/ snyan brgyud yi ger bris pa thams cad la 'dis mtshon no/ /des na jo bo ga ya dha ra la sogs pa'i lam 'bras pa rnams dang / grub chen nA ro pa la sogs pa'i bde mchog pa'i bla ma rnams las rim par babs pa'i brgyud pa rnam par dag pa gnyis dang ldan pa'i sems bskyed kyi cho ga la brgyud pa med do zhes bskur pa 'debs par byed pa'i kha'i bu ga ni nges par 'dod pa'i dbang phyug gi phye ba'o/ /rje btsun chen pos mdzad pa'i yi ge de ni rgyud sde nas bshad pa'i thun mong ma yin pa'i skyabs 'gro sems bskyed 'bog byed kyi cho ga yin pas/ mdo nam mkha'i snying po la sogs pa'i rjes su 'brangs ba'i klu sgrub nas brgyud pa'i dbu ma lugs kyi sems bskyed de lam 'bras brgyud pa la yod pa'am/ med pa gang ltar yang phyogs 'di la phan gnod gang yang med pas rgol ba 'di ni phyogs snga ma'i 'dod pa ma nges bzhin