[A:36a]du dgag bsgrub la zhugs par mngon no/ /gsum pa ni/ de ltar brtags pa de'i tshe rgol ba rang nyid brgyud pa dang bcas pa la sbyor dngos rjes gsum tshang ba'i cho ga las thob pa'i theg chen sems bskyed med pa nyid du khas blangs pa yin te/ dbu ma lugs kyi sems bskyed ni lam 'bras par med pa khas blangs/ rgyud sde nas bshad pa'i thun mong ma yin pa'i sems bskyed la ni lag len gyi srol yod pa khyed kyi dgag bya'i gtso bo yin/ sems tsam lugs kyi sems bskyed ni jo bo nas brgyud pa'i bka' gdams pa'i lugs yin gyi/ lam 'bras pa gong ma rnams la med/ de dag tu ma lus pa'i theg chen sems bskyed rang 'bogs byed kyi cho ga sbyor dngos rjes gsum tshang ba tshad mas dmigs pa'i phyir dang / yod kyang de la'ang brgyud pa yod pa dka' ba'i phyir ro/ /med mod/ de las ci 'gyur zhe na/ shin tu mi rigs te/ rigs dang dam tshig ma thob snying rje med/ /de bzhin byang chub sems kyang ma bskyed cing / /sangs rgyas ma dad lha gzhan bsten pa la/ /nga yi gsang sngags bstan na phung bar 'gyur/ /zhes dang / phyag rdor dbang bskur ba las/ 'jam dpal gang dag byang chub kyi sems bsgom pa la zhugs pa dang / gang gi tshe de dag gi byang chub kyi sems bsgrub par gyur pa de'i tshe/ 'jam dpal byang chub sems dpa'i gsang sngags kyi sgo spyod pa'i byang chub sems dpa' de dag ye shes chen por dbang bskur ba'i gzungs sngags kyi dkyil 'khor 'dir gzhug par bya yi/ gang dag gi byang chub kyi sems rdzogs par ma gyur