[A:4a]lta bas rgyas 'debs phyir/ /'chad tshul kun kyang 'khrugs pa med/ /ngo bo nyid med smra ba yi/ /'khor 'das dbyer med 'di mi mkho/ /nam mkha' lta bu med dgag tu/ /ro gcig pa nyid der bshad phyir/ /med mi rung ba ma yin pa'i/ /sems bskyed sdom pa sogs 'chad pas/ /dkrugs na sngags kyi sdom pa'i rten/ /sems bskyed sdom pa dgos min nam/ /sa paN gyis mdzad de mi dgos/ /she na dbang gi chu bo yang / /rje btsun rtse mo man chad kyi/ /mdzad pa dgos de ci yi phyir/ /phyi yi bskyed rim goms rjes su/ /nang gi bskyed rim 'chad pa yi/ /thog mar lam dus dbang bskur ba/ /'di yang dkrugs pa yin zhes zer/ /rje btsun chen po'i gsung las ni/ /'bras bu rdo rje 'dzin pa yi/ /lus la ye shes pa bcug nas/ /lus dkyil bsgom pa man ngag yin/ /zhes gsungs pa sogs shes byos la/ /gsung ngag rin chen 'chad pa dang / /nyan dang gom pa yod tsam mchog /yin phyir phyogs su gtong mi 'tshal/ /zhes pa 'di yang brag dkar ba/ /sems dpa' chen po'i zhal gyi ngor/ /sbyar bas phyogs 'dzin zhi gyur cig /ces 'di'ang 'bri bo chos rgyal lo/ manggaM laM/ zhes pa de rnams kyis mkhas pa snga rabs pa'i dogs spong bshad pa bstan zin nas/ gnyis pa phyis kyi mkhas pa'i legs bshad las 'byung tshul bshad pa la/ dri ba'i gsung bkod pa/ de'i lan bshad pa/ yin lugs 'thad ldan gyi legs bshad bkod pa dang gsum/ dang po ni sa skya pa'i bstan 'dzin rdzong lugs kyi brgyud 'dzin rnams kyi