[A:36b]pa de dag ni mi gzhug go /de dag la ni phyag rgya dang sngags bstan par mi bya'o/ /'jam dpal byang chub sems dpa' mtshams med pa lnga byas pa ni sla'i/ dam tshig mi shes pa dang / lus yongs su ma sbyangs pa dang / byang chub kyi sems bsgom pa ma grub pa la ston pa ni de ltar min te/ 'jam dpal sems can de dag gi mdun du ni nam yang tshig tsam yang brjod par mi bya'o/ /zhes sogs rgya cher bshad pa dang 'gal ba dang / slob dpon rin po che'i dbang chu las/ gang zag rim gyis pa dang cig car ba'i rigs can gnyis ka la'ang sems bskyed la rjes su bzung bar bya'o/ /zhes pa kho na 'byung ba dang / ljon shing las/ de ltar cig car du 'jug pa zhes bya ba yin mod kyang / bla ma gong ma rnams kyi phyag len gyi brgyud pa thun mong ma yin pa'i skyabs su 'gro ba dang / sems bskyed pa tsam sngon du mdzad pas shes gsungs nas 'di nyid kyi cho ga ji ltar bya ba'i tshul dang / cho ga dang rjes su 'brel ba'i bslab par bya'i don rgyas par bshad pa dang dngos su 'gal bas so// //smras pa/ phyogs zhen dri la chags pa yis/ /gnas don pad tshal ma brnyed pa'i/ /'khos med sbrang bu'i gshog rgyang gis/ /nyi zla sgrib par byed do lo/ /rgol ba gnyis pa ni/ rjes bzung grangs nges med pa dang / /zhes pa'i rgyas bshad du/ slob ma brgya phrag mang po la grangs nges med par rjes 'dzin gyi cho ga byed pa ni/ gsang ba spyi rgyud las/ mkhas pas slob ma gcig gam gsum/ /zhes sogs kyi lung dang 'gal/ dbang gi chu bo las/ dkyil 'khor gcig tu slob