[A:37a]ma nyi shu rtsa lnga las lhag pa gzung bar mi bya/ zhes sogs gong ma'i gzhung dang 'gal/ rjes bzung grangs nges med na sta gon dang 'gal la/ yod pa'i khas len dang 'gal te/ sta gon gyi grangs nges rjes bzung gi grangs la ltos/ dbang dus kyi grangs nges sta gon gyi grangs la ltos par spyi rgyud las gsungs pa'i phyir ro/ /zhes smra'o/ /lan la gnyis/ rjes 'dzin gyi rnam gzhag spyir bstan/ /skabs don gyi dngos lan 'phros dang bcas pa'o/ /dang po la gsum ste/ spyi rgyud nas gsungs pa'i rjes 'dzin bshad/ lam 'bras pa lugs kyi rjes 'dzin bshad/ gnyis ka ltar yang rgol ba la 'gal ba'o/ /dang po ni/ spyi rgyud las/ sa'i cho ga bstan pa'i rjes su/ las kun byed pa'i gsang sngags kyis/ /de las slob ma yongs su bzung / /bu mo gzhon nus bkal ba'i skud/ /blangs nas bzhi bcu rtsa dgur bzlas/ /slob ma rnams ni blos bsam nas/ /mnyam par bzhag pas mdud pa bor/ /de ltar slob ma yongs bzung nas/ /las la bgegs ni med par 'gyur/ /zhes pas slob ma rjes bzung dngos bstan/ sang ni dkyil 'khor bri ba yi/ /zhes sogs kyi sta gon gyi sbyor ba dang / lha sta gon sogs bstan/ de nas slob ma legs brtags te/ /zhes sogs kyis bla ma'i mtshan nyid dang / kun slong gi bsam pa bstan/ /mkhas pas slob ma gcig gam gsum/ /zhes pa nas/ sta gon gnas par brtsams par bya/ /zhes pa'i bar gyis slob ma'i grangs dang / lus kyi spyod lam bstan/ dang po gsum la skyabs