[A:37b]su btang / /zhes sogs kyis slob ma sta gon gyi cho ga dngos bstan pa yin no/ /gnyis pa ni/ dbang chu las/ dbang bskur don du gnyer ba'i slob ma la sngar gsang sngags la zhugs pa dang / theg chen gyi sgor zhugs pa dang / nyan thos la sogs pa'i lam la zhugs pa dang / sangs rgyas kyi bstan pa la ma zhugs pa dang bzhi las/ dang po la gnyis de ma thag rjes bzung byar rung ba dang / gsum pa dang bzhi pa'i nang tshan gzhan don du rdzogs byang 'dod pa dang / nges legs tsam 'dod pa rnams la dpon slob 'brel brtags la sems bskyed de rjes su bzung bar bshad cing / gang zag tha ma sngon mtho tsam don du gnyer ba yin na/ de ma thag rjes bzung mi bya bar thun mong ba'i lam gyi blo rim gyis sbyangs te sems bskyed la/ bzod rjes bzung gi ming can gyi slob mas gsol ba btab pa dang / slob dpon gyi ting nge 'dzin gyis bsrung ba dang / bsnyen pa'i stab tu gzhug pa rnams bya bar bshad do/ /gsum pa ni/ rgol ba khyed kyi rjes bzung gi lag len de bshad ma thag pa gnyis po de gang gi lugs yin/ dang po ltar na rgyud de las slob ma la sngags dang ting nge 'dzin dang srung skud btags te srung ba la sogs pa bshad pa las/ khyod kyi lag len la ji ltar bshad pa de dag tshang bar byed pa'i srol med pa dang / skabs der grangs nges par dgos pa'i dmigs bsal yang med pas mi 'thad la phyi ma ltar na slob ma'i rigs brtags pa'i sgo nas sngar thun mong ba'i lam gyi rgyud ma sbyangs shing / sbyangs dgos pa'i gang zag tha ma rnams rim can pa'i