[A:40b]mas bshad pa las/ khyed kyi bshad pa'i dbang gi sngon 'gro'i sems bskyed bor nas ma bshad pa'i thun mong gi lam gyi dkri dgos pa grub pa'i mthar byas pas nor ba'i rnam gzhag shin tu che'o/ phyi ma ltar na gang zag de la dang po nyid nas dbang mi bskur bar lam thun mong ba nas rim gyis dkris te/ phyis snod rung du gyur pa na dbang gi smin par bya dgos par bshad kyi/ su yang rung ba'i gang zag de la dang po nyid nas tsham tshom med par dbang bskur bar bshad pa med la/ ma bshad pa tsam du ma zad slob dpon rin po che'i dbang chu dang / rje btsun gyi ljon shing sogs tshad ldan gyi gzhung mtha' dag las lung rigs man ngag du ma'i sgo nas de ltar byed pa bkag pas rje btsun gong mas bkag pa de nan gyis bsgrub pa ni/ dman la zab dang rgya che dang / /zhes sogs kyi nyes pa mtha' yas pa bshad pa de dag dwang du len pa la 'grus pa cher byed pa yin no/ /de ltar bya dgos pa'ang rnam dpyod kyi blo gros med kyang grub mtha' 'cha'/ lung rigs kyi lta gnad mi shes kyang dgag bsgrub byed pa la dga' bas nongs pa'o/ /'ga' zhig 'di'i rjes skyobs par 'dod nas/ rdo rje'i tshig rkang gi bla ma dam pa'i zhabs pad btud de zhes pas smin byed kyi dbang bstan pa yin cing / gzhung bshad rnams las/ snang ba gsum gyi skabs su rnal 'byor pa la thos bsam dang bslab pas rgyud sbyangs pa dang / dbang gis sbyangs pa zhes bshad pas snang gsum khrid kyi sngon du dbang nges par 'gro dgos pa grub pa yin no zhes smra'o/ /de ltar gdan sogs gsum pa bzhi'i rgyu'i dbang zhes pas rgyu