[A:4b]gsung ngag 'chad pa'i snang gsum gyi sngon du rgyu dus kyi dbang nges par bskur dgos so zhes smra ba la/ ngor phyogs kyi bstan 'dzin gyi gtsug rgyan e wa~M chos ldan gyi gdan sa bcu pa mkhas pa'i dbang po dkon mchog lhun grub kyi dri ba mdzad pa las 'di ltar/ ! pra sti/ zab don mdo dang rgyud mthun par/ /'chad pa'i rje btsun sa skya pa/ /yab sras rnams la phyag byas nas/ /snang gsum sngon du dbang bskur ba/ /nges par dgos zhes khas len pa'i/ /lam 'bras pa la 'di skad dri/ /lam de'i go rim rgyud gzhung nas/ /bshad pa'i skal dman rim 'jug dang / /skal bar ldan pa gcig char ba'i/ /lam rim gnyis po gang yin dri/ /dang po ltar na khrid tshul de'i/ /sngon 'gro 'khor ba'i nyes dmigs dang / /dal 'byor rnyed dka' byams snying rje/ /byang chub sems bskyed la sogs pa/ /tshad ldan gong mas bshad kun chad/ /chad pa min na go rim nor/ /nges par 'byung ba'i blo tsam yang / /ma skyes pa de sngags lam du/ /ci dgar 'jug pa rgyud las bkag /phyi ma ltar na snang ba gsum/ /nges par can du ston pa lhag /lhag pa min na rnam gzhag 'chol/ /thun mong lam gyi sngon 'gro ru/ /dbang bskur nges par dgos pa mtshar/ /snang gsum thun mong lam min na/ /sngags lam kho nar 'dod nus sam/ /nus na mdo rgyud thams cad kyi/ /snying po bsdus pa yin no zhes/ /smra ba ne tso'i 'don pa ste/ /mdo sde'i snying po gang la byed/ /sngags lam yin na smin grol las/ /gzhan med smin byed yin nam ci/ /grol lam yin na lta ba yis/ /