[A:41b]dang / 'khor lo 'cham pa 'jig rten pa'i lam gyi gzhung tshom bu bdun ste bcu bzhi po thams cad kyang gang zag gcig gi nyams su blang bya'i lam 'bras bu dang bcas pa'i gdam ngag yongs rdzogs gcig ston pa la dgongs nas/ rje sa chen gyis/ snang ba gsum gyis lam gyi gzhi bcas te/ /nyams blang ma lus rgyud gsum dag gis shes/ /zhes sogs gsungs pa yin la/ de'i tshe snang ba gsum po lam gyi gzhi bca' la sbyar ba'i lam ni/ nyams su blang bya rgyud gsum po nyid la 'jog cing / de yang bsdu na/ lam smin grol gnyis su 'du la/ de'i sngon du lam gyi gzhi gdan gyi tshul du snang ba gsum gyi lam gyi dkri dgos pa yin par drangs ma thag pa'i a seng ma'i lung des shes pa yin no/ /de la dgongs nas rje btsun gyis gzhung ji lta ba bzhin du dkri ba'i khrid yig gnyis char las snang ba gsum lam gyi gzhi bca' la sbyar ba'i tshul de nyid bshad pa yin la/ khrid tshul de ltar nyams su blangs pas nyams myong tshad ma rgyud la skyes pa'i gang zag de'i myong ba de dag grub chen gyi gzhung gi dgongs par bsgrub pa'i phyir/ phyis rdo rje'i tshig rkang las ji skad bstan pa de dag gzhung bshad dang mthun par slob dpon gyis bshad cing / slob mas thos bsam gyi sgro 'dogs chod par bya dgos pa'i don du bshad pa yin pas/ skabs don gyi snying po longs par byas nas smra dgos kyi tshig tsam la brten nas ri bong gi cal byed pa dag ni ngal ba 'bras bu med pa'i las can no/ /cung zad spros pa'o/ /dkyus ma nyid bshad par bya ste/ de ltar na khyod dag chos rje bla ma'i