[A:42b]ma'i dbang bskur tshar gcig po de rigs mod/ de'i rjes su dkyil 'khor gcig de nyid kyi steng nas nyin re bzhin sta gon snga ma'i dngos gzhi re dang / dngos gzhi rting ma'i sta gon re spel nas zhu mkhan ma rdzogs kyi bar du byed do/ /'di shin tu mi rigs pa'i rgyu mtshan/ smin byed rdul tshon gyi dkyil 'khor gcig tu dbang bskur tshar gcig las lhag pa bskur du mi rung ste/ dkyil 'khor de la sta gon gcig las med pa'i phyir zhes sa skya pa'i srol 'dzin gzhan thams cad 'chad la/ khyed kyi de lta bu la gong ma'i lung yod na ston cig gal te sta gon gsum po de sngar byas pas chog ce na/ 'o na sgrub mchod sogs kyang sngar byas pa de nyid kyi gnas pas nyi ma gzhan la byed ci dgos/ gal te sta gon snga ma rnams bskyar nas byed dgos so zhe na/ dkyil 'khor bsgrub zin nas de'i lha sta gon ji ltar byed ces dang / gzhan yang 'brel med kyi rtsod pa kha cig bkod nas/ de'i shugs la bsgrub mchod rting ma rnams kyi tshe lha sta gon byed thub pa zhig yod na sta gon 'brel pa med pa dang / zhes pa'i rgol ba de bzlog thub par khas len no/ /lan la gnyis te/ mgo mtshungs kyi lan dang / brgal ba'i lan no/ /dang po ni/ 'o na smin byed kyi dbang tshar re la gzhi bsnyen dang sa chog sogs zhal dang 'dra ba'i cho ga'i gzhi brgyad po mtha' dag tshar re bya dgos par 'gyur te/ smin byed tshar re la sta gon tshar re bya dgos pa gang zhig brgyad po de smin byed la dgos pa'i cho ga yin par mtshungs pa'i phyir/ mi mtshungs te/ bsnyen pa kha gso ba tsam dang / dkyil 'khor gyi khang pa rnying par