[A:46b]'jug pa sogs rgyud sde las ji skad bshad pa thams cad khyed kyi lag len du khel ba yod dam/ yod na kho bos rjes su yi rang ba bya yi/ khyed rang dag yid ches par gyis shig med na de dag bya dgos par bshad pa'i rgyud gzhung thams cad 'gal bas bshad pa mtha' dag nan gyis 'dor bar ma byed cig gnyis pa ni/ spyir dbang bskur gyi tshul la rim gyis pa dang / cig car ba gnyis las/ dang po ni/ gang zag tha ma gtso bor bzung ba dang / lag len spros pa che ba'i skabs yin pas/ de'i tshe dbang stegs dngos su bris nas der slob ma re re nas bskur ba'i rnam gzhag de gtso bor gsungs pa yin zhing / phyi ma de la'ang dbang stegs dngos su yod med kyi bye brag gis slob dpon gyi dbang bskur tshul gnyis ka mdzad cing phyag len de gnyis ka kho bo cag la'ang yod mod/ phyi ma gtso bor mdzad pa ni dgag dgos kyi dbang gis yin te/ slob ma 'ga' zhig la slob dpon gyi dbang ma bskur na khong khro ba sogs dgag bya ches che ba du ma 'byung ba dang / dgos pa slob ma thams cad kyang sngags kyi lam mtha' dag la thos bsam bsgom bsgrub byed pa la dbang ba dang / dad pas rjes su 'brangs ba'i dga' spro khyad par can mang ba'i phyir ro/ /de tsam gyis dgag dgos cig shos la'ang rtsir rung mod/ rdo rje slob dpon 'phrin las chung ngu la slob ma nyung shas las med pa dag gis de ltar bya nus kyang / 'phrin las rlabs po che dag la dgos pa'i khyad par gzhan du ma zhig 'byung ngo / /de ltar na'ang dbang chu'i dngos bstan dang ma mthun no snyam du sems dgos pa ma