[A:49b]las/ brtul zhugs kyi tshe rdo rje mi dmigs te stong pa'i ngang las hU~M yongs su gyur pa las rdo rjer bskyed la/ de la de bzhin gshegs pa lnga dang / yum lnga dang / sems dpa' brgyad lha mo la sogs pa rdo rje'i de kho na ltar yongs su rdzogs par mos pa bskyed la zhes dang / de la dam tshig gsum byin pa ni rdo rje lag tu blang la/ hU~M las rdo rje'i de kho na nyid rdzogs par dran pas lha'i rnam par mos pa bskyed la zhes dang / dril bu blangs la/ a'i yi ge las dril bu'i de kho na nyid rdzogs par dran pas dril bur bskyed la zhes 'byung gis/ yan lag bzhi rdzogs dngos su bya dgos par ma gsungs pas mthong thos thams cad bsre ba la brtson par mi bya'o/ /gal te de kho na nyid rdzogs par dran pas zhes pa des yongs dag bzhi dngos su bya dgos par bstan to snyam na/ e ma hoH dogs pa de ni lha rnams dga' bar byed pa dag la skye bar 'os pa'i dogs pa ste/ rdor dril gyi yongs dag bzhi rdo dril gyi de kho na nyid la 'chad pa'i dpyod ldan su zhig 'byung legs par soms shig gnyis pa ni/ khyod kyis brtul zhugs dang slob dpon gyi dbang gi rdor dril la yongs dag bzhi ji ltar byed khyed rang gi bla ma kun rgyal bas mdzad pa'i kyai rdor gyi dkyil chog nas 'byung ba de'am/ rje btsun gyis mdzad par grags pa'i rdor dril gyi de kho na nyid kyi yi ge gcig yod pas de gnyis gang gi lugs yin/ dang po ltar na bka' srol gnyis char la de byar mi rung ste/ slob dpon rin po che'i dbang chu gnyis char dang dngos su 'gal bas so/ /ji ltar 'gal na/ dbang chu las