[A:50a]brtul zhugs dang slob dpon gyi tshe rdo rje la rigs lnga sogs bskyed par bshad pa la/ khyed kyi dkyil chog der rdo rje dril bu gnyis rdo rje sems dpa' yab yum du bskyed nas/ de zhu ba las byung ba'i rdo rje de nyid slob ma la ster ba sogs bshad pas yod pa'i sgo bor nas/ med pa'i srang 'chag pa'i rnam gzhag du ma zhig bshad snang ba'i phyir ro/ /gal te 'grel pa lugs kyi dbang chu las sa chog gi skabs la kha 'phangs de bzhin no snyam pa de yin mod/ khyed kyi bla mas mdzad pa'i dkyil chog gi cho ga de'i skabs nas rdo rje 'od dpag med dang / dril bu don yod grub par bskyed pa bshad pas/ de 'dir yang len par 'dod na ni sngar 'od dpag med rdo rje'i dbang dang / don yod grub pa dril bu'i dbang gi dus su bskyed zin pa'i rdo dril des bsgrub bya de legs par grub zin pas slar yang rdo dril de nyid la lha de nyid kyi yongs dag bya yang mi dgos shing de ltar byas pa'am/ ma byas kyang rung / gnyis ka ltar yang nor pa kho na yin te/ slob dpon rin po che'i 'grel pa lugs kyi dbang chu las/ rdo dril la lha rigs lnga sogs bskyed pa'i sa chog la kha 'phangs su mdzad pa yin pa la/ khyod kyis sa chog gi skabs su kha 'phangs kyi lha de rnams ma bskyed par rdo rje 'od dpag med dang / dril bu don yod grub par bskyed pas shin tu nor tshab che ba'i phyir ro/ /yang rje btsun gyis mdzad par grags pa'i de kho na nyid kyi yi ge de la khungs su 'dod na ni yi ge de rngog lugs pa zhig gi byas nas rje btsun la kha g.yar ba yin gyi/ rje btsun chen pos mdzad pa ma yin