[A:༤༣ན]གསུམ་བཤད་པ་ངོ་མཚར་ཞིང་། །དེ་རྗེས་ཕར་ཕྱིན་གཞུང་ལུགས་ཀྱི། །སྙིང་པོ་དོན་གྱི་མན་ངག་ནི། །འདི་དག་ཡིན་ཞེས་ངོས་བཟུང་ན། །ཐུན་མོང་ཡིན་པ་གང་གིས་བསྟན། །དེས་ན་ཁྱེད་རྣམས་བཞེས་པ་ཡིས། །ཁྲིད་རིམ་ངེས་པར་ཞུས་ལན་དང་། །མཐུན་པར་འདོད་ན་དེ་ཉིད་ལས། །དབེན་པར་བསམ་གཏན་བསྒོམ་པ་ལ། །བྱིས་དང་འགྲོགས་ན་མི་ཐོབ་པས། །སྐྱེ་བོ་དག་ལ་སྐྱོ་བསྒོམ་སྟེ། །འདི་ཡི་དབེན་ཐོབ་ལོག་འཚོ་ནི། །སྤོང་ཞེས་གསུངས་ན་དེང་སང་དུས། །ལམ་འབྲས་ཁྲོམ་བཤད་མཛད་པ་ཅི། །ཁྱད་པར་གསུང་ངག་རིན་པོ་ཆེའི། །མེད་མི་རུང་བའི་ཁྱད་ཆོས་རྣམས། །ཆབ་གཅིག་བསྡུས་པ་གླེགས་བམ་ཞེས། །རྗེ་བཙུན་ཆེན་པོས་དཀར་ཆག་ཏུ། །གྲངས་ངེས་མཛད་པའི་གཞུང་བོར་ནས། །ཕྱིས་སུ་ལ་ལའི་ངོར་མཛད་པའི། །གདམས་ཡིག་ཙམ་ཞིག་གཙོར་བྱེད་པ། །འདི་ལ་དགོས་པ་ཅི་ཞིག་ཡོད། །ཅེས་གསུངས་སོ། །ཡང་རྗེ་བཙུན་དཀོན་མཆོག་ལྷུན་གྲུབ་ཀྱི་དྲི་བ་ལྔ་པ་ནི། མདོར་ན་གྲྭ་སྟོན་ཞུས་ལན་དང་། །མཐུན་པའི་ཉམས་ལེན་ཁུངས་མ་ཞིག །གངས་ཅན་འདི་ན་ཡོད་དམ་མེད། །ཡོད་ན་དེ་ཡི་མཚན་གཞི་དྲི། །མེད་ན་ཚུལ་དེ་བཤད་པ་ལ། །དགོས་པ་ཅི་ཞིག་ཡོད་དམ་དྲི། །ཞེས་པའི་དྲིས་ལན་དུ། མདོ་རྒྱུད་བསྟན་བཅོས་ལ་སོགས་ནས། །བཤད་པའི་ལམ་རིམ་ཐམས་ཅད་དང་། །མཐུན་པའི་ཉམས་ལེན་ཡོད་དགོས་ཤིང་། །མེད་ན་བཤད་པ་དོན་མེད་ཀྱི། །དམ་བཅའ་ཧ་ཅང་མ་ཐལ་ལམ། །དེས་ན་གཞུང་ཤིང་བཞི་པོ་ལས། །ཁྲིད་ཚུལ་ཉེར་བརྒྱད་ཉེར་དགུ་ཞེས། །གསུངས་པ་དེ་དག་རྣམས་དང་ནི། །མཐུན་པའི་