[A:43a]gsum bshad pa ngo mtshar zhing / /de rjes phar phyin gzhung lugs kyi/ /snying po don gyi man ngag ni/ /'di dag yin zhes ngos bzung na/ /thun mong yin pa gang gis bstan/ /des na khyed rnams bzhes pa yis/ /khrid rim nges par zhus lan dang / /mthun par 'dod na de nyid las/ /dben par bsam gtan bsgom pa la/ /byis dang 'grogs na mi thob pas/ /skye bo dag la skyo bsgom ste/ /'di yi dben thob log 'tsho ni/ /spong zhes gsungs na deng sang dus/ /lam 'bras khrom bshad mdzad pa ci/ /khyad par gsung ngag rin po che'i/ /med mi rung ba'i khyad chos rnams/ /chab gcig bsdus pa glegs bam zhes/ /rje btsun chen pos dkar chag tu/ /grangs nges mdzad pa'i gzhung bor nas/ /phyis su la la'i ngor mdzad pa'i/ /gdams yig tsam zhig gtsor byed pa/ /'di la dgos pa ci zhig yod/ /ces gsungs so/ /yang rje btsun dkon mchog lhun grub kyi dri ba lnga pa ni/ mdor na grwa ston zhus lan dang / /mthun pa'i nyams len khungs ma zhig /gangs can 'di na yod dam med/ /yod na de yi mtshan gzhi dri/ /med na tshul de bshad pa la/ /dgos pa ci zhig yod dam dri/ /zhes pa'i dris lan du/ mdo rgyud bstan bcos la sogs nas/ /bshad pa'i lam rim thams cad dang / /mthun pa'i nyams len yod dgos shing / /med na bshad pa don med kyi/ /dam bca' ha cang ma thal lam/ /des na gzhung shing bzhi po las/ /khrid tshul nyer brgyad nyer dgu zhes/ /gsungs pa de dag rnams dang ni/ /mthun pa'i