[A:53a]gi mngon par rtogs pa mtha' dag tshang ma tshang la thug de tshang ba'ang rang don du bzhengs pa'i dkyil 'khor de la dgos pa'i yo byad rnams slob dpon la sbyar ba nas bzung mngon par rtogs pa bshad tshod rnams tshang na ras bris kyang smin byed du 'gro ba ni dbang chu'i dgongs pa dang / de ma tshang na rdul tshon yang smin byed du mi 'gro ba ni chos rje pa'i dgongs pa'o/ /nges pa'i don du blos bslangs dang tshon rtsi las grub pa sogs ni dmigs pa'i rkyen tsam yin gyi/ smin byed kyi dkyil 'khor dngos ni ye shes las grub pa nyid gtso bo yin no zhes sogs gsungs so/ /yang tshar chen chos kyi rgyal po'i rdo rje 'khrul 'khor gyi zegs ma las/ smra ba gsum pa nub dang po las lha/ bum pa sta gon byas pa'i nub de kho na la slob ma sta gon byed kyi/ nub phyi ma phan chod kyi rdul tshon gyi dkyil 'khor dang 'brel bar slob ma sta gon bya mi rung ste/ de'i dus kyi slob ma sta gon dang sta gon snga ma gsum la 'brel pa med pa'i phyir zer ro zhes khas blangs bkod nas/ lan dngos la de ltar na nub phyi ma rnams la sgrub mchod kyang mi rung bar 'gyur te/ de dus kyi dngos gzhi'i sgrub mchod la sta gon snga ma gsum dgos pa gang zhig de med par ma zad de dang 'brel pa tsam yang med pa'i phyir/ gzhan yang dkyil 'khor gcig tu dbang lan gcig las bskur du mi rung na ras bris la'ang mtshungs shing / rje btsun chen po'i gzhan phan bdud rtsir nub drug gi bar du rdul tshon gyi dkyil 'khor du sbrel nas dbang bskur ba bshad pa sogs gnod byed mtha' yas so/ /des na rdul