[A:54a]bum gyi bskyed chog re re dang bum chus gsang ba re re spel nas bya dgos pa dang / rin 'byung cod pan gyi dbang man chad kyi mtha' rten chu dbang re la'ang bum pa las bskyed chog re bya dgos par 'gyur te/ cho ga tshar re dang de'i byed las re 'brel dgos pa'i phyir/ gal te bum pa sta gon dang chu dbang gi tshe bsgrubs zin pas mi dgos snyam na de ni sta gon la'ang mtshungs so/ /de la dngos gzhi sgrub mchod kyi mtshungs pa byed pa ni blun po'i rigs pa ste mi mtshungs pa'i rgyu mtshan slob ma dbang bskur dang rang nyid bdag 'jug len pa gnyis ka la dbang blang ba'i yul tshul bzhin du bsgrub dgos la/ de lta bu'i dkyil 'khor bsgrub pa dang / bdag 'jug len pa dang / slob ma la dbang bskur ba gsum cho ga rigs mi mthun gzhan gyis bar ma chod par 'brel chags su dgos pas so/ /de sta gon la'ang mtshungs she na/ lha sta gon dang dngos gzhi sgrub mchod gnyis kyi bar du lha'i rnal 'byor gzhan dang cho ga gzhan mi rung ba khyod khas long zhig ces pa dang / rdul tshon gyi dkyil 'khor gcig tu sta gon gcig las med pas dbang tshar gcig las mi rung ba/ gzhan phan bdud rtsi las/ mdor na sta gon nub gcig dngos gzhi nub drug la lhag ma gshegs pas nub bdun du 'gro bas bdun tshigs zhes bya ba yin te zhes gsungs pa dang 'gal gsungs shing / yang sta gon snga ma rnams bskyar nas byed na dkyil 'khor bsgrubs zin pas sta gon ji ltar byed ces pa'i dkyil 'khor sgrub pa de ci/ dngos gzhi sgrub mchod dam dkyil 'khor