[A:55a]bas smin byed du mi rung ba'i dogs pa skye don med la/ dkyil 'khor gcig tu smin byed gcig las mi rung bar smra ba'i sa skya pa'i srol 'dzin gzhan su zhig ces dris na ston rgyu med/ 'ga' zhig yod na'ang de dang khyod gnyis char gang zag gcig la smin byed gcig las med par bshad pa de dkyil 'khor gcig tu smin byed gcig las mi rung bar go 'dug pas ches blun pa yin no gsungs/ rgol ba po nyes can du bstan pa la/ khyod ltar na sgrub mchod phyi ma rnams la sta gon gyi 'brel ba med pas smin byed ma yin pa'i dbang dang / sgrub mchod kyang nyin zhag sbrel nas mi rung bar 'gyur/ de 'dod na gong du drangs pa'i gzhan phan bdud rtsi'i lung dang 'gal lo/ /gzhan yang dkyil 'khor gcig tu dbang re las mi rung na deng sang gi rdo rje slob dpon dag la gsang ba chos kyi dkyil 'khor gsum po re re las med/ de dag gi tshe gang la dbang gong ma gsum tshar re las bskur mi rung bar 'gyur la/ der ma zad ras bris kyi steng nas smin byed tshar gcig byas pa'i ras bris de'ang rdul tshon bzhin du chu bor spyan 'dren pa'am rgyas btab ste dben par 'jog pa sogs bya rigs par 'gyur/ gal te de la sta gon bskyar bas rung snyam na de rdul tshon la ci'i phyir mi mtshungs/ legs par brtags na ras bris dang / sa 'dir dkyil 'khor bri bar bya/ /zhes pa'i sa gnyis la khyod 'dod pa'i 'brel ba de med pas ras bris su sgrub mchod kyang mi rung bar 'dod dgos/ de rung na ni/ dkyil 'khor 'brel ba med pa dang / /zhes pa'i dogs pa'ang