[A:55b]'jug go /ma yin te dkyil 'khor bri zhes pa ting nge 'dzin gyi dkyil 'khor la'ang rung snyam na/ kho bo cag la rung yang khyed la 'gal te dkyil 'khor bris zin nas sta gon bskyar thabs med pas so/ /de ltar na'ang rdul tshon gyi dkyil 'khor gcig tu smin byed tshar mang po rung ba'i gong ma'i gsung bstan dgos zer na/ de mi rung ba'i lung khyed kyis bstan dgos/ des na 'di rigs dkyil chog dag las dbang tshar re bskur ba'i tshul las mi 'byung bas dngos bstan de las gzhan bya ma shes/ bla ma mkhas pa'i mthong ba brgyud pa'i phyag len yang med pas byis pa'i blos chu la brgal ma nus pa'i mun sprul la khyad nor du bzung ba yin gsungs so/ /de'i don bsdus don brgyad pa las/ de lta yin na rje rtse mos/ /mdzad pa'i Dombhi dkyil chog las/ /sgrub mchod nyi ma lngar byas nas/ /sta gon gcig la dngos gzhi gnyis/ /mdzad pa'i dngos gzhi dang po la/ /rab gnas dang ni gnyis pa la/ /slob ma dbang skur byed do zhes/ /gsal bar gsungs pa ma shes par/ /gong ma'i chos rnams 'gegs par zad/ /rtse mo 'gegs pa'i sa skya pa'i/ /rjes 'brangs rnying pa gang nas byon/ /rje btsun chen pos dus mtha' ma'i/ /sta gon gcig la dngos gzhi drug /byed par bshad pa'i phyi ma lnga/ 'brel med yin phyir mi rung bar/ /rjes 'brangs tha shal khyed 'dod dam/ /rje btsun dgag pa'i sa skya pa/ /rnying pa de 'dra gad mo'i gnas/ /dkyil 'khor gcig tu dbang bskur ba/ /gcig las nam yang mi rung na/ /ras bris bzhengs pa don re chung / /sta gon