[A:5b]'byung ba'i don bsdus te bkod na/ rje btsun chen po'i mdzad byang yod pa'i sems bskyed kyi yi ge ngor pas sgo rum dpe khang nas rnyed zer ba de'i steng nas sems bskyed byed pa la brgyud pa chad pa ni tshig de nyid kyis shes shing / lam 'bras pa phyi ma rnams kyis brgyud rim mang po'i grangs bgrangs nas/ yi ge de'i steng nas lam 'bras pa sus kyang byas pa med do/ /gzhan yang mkhan chen shes rab rdo rje bas bla ma bcu phrag lhag tsam bsten nas gsan par mdzad pa'i rje btsun gyi bka' 'bum gyi nang na yi ge de med ces rgol bar mdzad do/ /de la paN chen shAkya mchog ldan gyis brang mo che ba'i brgal lan rnam thar sgo brgyad pa zhes bya ba mdzad pa de'i nang du gong gi de'i lan la/ spyir bshad pa dang / dngos kyi lan gnyis su mdzad nas/ dang po la so thar gyi mkhan brgyud dang / sngags kyi sdom pa'i bla ma brgyud pa dang 'dra ba zhig sems bskyed kyi sdom pa la nges pa nyid du mi dgos te/ bslab btus dang spyod 'jug gi dgongs pas sems bskyed kyi sdom pa len gso gnyis ka la bla ma nges par mi dgos pa dang / byang sa ltar na len pa la dgos kyang gso ba la nges par mi dgos pas so/ /spyir rnal 'byor dbang phyug nas brgyud pa bar ma chad pa'i smon 'jug gi sdom pa zhig mi 'dod na ni shin tu tha chad la/ 'dod na ni de brgyud ldan gyi rdo rje slob dpon zhig gis phyis byung gi byang sems kyi sdom pa 'bogs chog ma nor ba ci yin zhig gi steng nas sdom pa de phog chog ste/ 'bogs rgyu'i sdom pa rang gi ngo bo la khyad par med pa yin pas so/ /dper na chos kyi rje sa skya paNDi tas hor yul